Kievo
Jen kelkaj impresoj de Kievo. Mi vizitis Kievon dum la IJK (Internacia Junulara Kongreso) 2011 inter la 14-a kaj 21-a Julio. Veturado ekis jam je la 11-a en Karlsruhe, ĉar mi partoprenis en la trajnkaravano al la IJK. Estis verŝajne la plej bona karavano en kiu mi ĝis nun partoprenis. Estis senfuŝa, bonegetosa vojaĝo kaj pro tio preskaŭ perfekta moviĝanta antaŭkongreso. Dum la vojaĝo nia grupo kreskiĝs ĝis — se mi ne fuŝmemoras — preskaŭ 30 personoj. Ni interalie pasis tra Pasavo, Vieno, Bratislavo, Uĵgorodo…
La vetero dum la IJK konsistis el daŭre altegaj temperaturoj, mi neniam antaŭe ŝvitis tiom multe. La kongresejo estis iom for de la centro, eble 30 minutoj per Marŝrutko. Estis sufiĉe da homoj, kiuj vivis en tendo dum la semajno. Mi estis en nekutima amasloĝejo. Ne ekzistis sportejo, do ni prenis ĉambron sen litoj en koridoro, kie dum la semajno estis konstrulaboroj. Ĝenerale estis ripoza semajno kiu tro rapide pasis. Je unu tago mi anstataŭis komitatanon dum la TEJO-kunsido, kio donis al mi interesan enrigardon al la labormaniero de TEJO. Nu, mi havas etan libron en kiu mi notis, kion mi faris dum tiu tempo. Se la emo venos, mi skribos pli.
Eta noto pri la kvalito de la bildoj en la paĝo mem: Mi provis batali kontraŭ malbona kvalito, sed vane. Ree komputilaĵo ege malĝojigis min. Furioze mi iris legi libron, sed post duona horo mi simple havis la emon rezigni pri perfekteco. Ne plu gravu en vivo. Almenaŭ kun komputiloj perfekteco donas nur doloron. Domaĝe!
Pasis alia monato
Kaj ĉifoje mi povas diri ke mi ne ĝenerale estas tro pigra, sed simple estas montego da laboro antaŭ mi. Mi eĉ devis resti dum semajnfino laboreje ĉar ege grava servilo paneis. Fek’ al komputiloj! Tamen la aferoj iĝas pli klaraj, mi nun sufiĉe bone konas la komputilojn, servilojn kaj retojn ene de la firmao. Estas kelkaj kampoj je kiuj mi ankoraŭ ne havas sperton, sed feliĉe mi havas homojn kiuj helpas. Mi verŝajne baldaŭ eĉ povos finigi unu el la unuaj grandaj internaj projektoj. Post tio mi espereble estos gajninta sufiĉe bonan kaj solidan reputacion. Estas malfacile ŝajni kiel spertulo se tiom multe da aferoj ne bone funkcias ;-)
Sed, jen la naturo de komputiloj.
Mi ankaŭ estas serĉanta bonan solvon por publikigi fotojn, ĉar mi nuntempe sufiĉe multe fotas danke al mia nova kamerao.
Etan saluton — mi ankoraŭ estas vivanta
Ŝalomon!
Mi ankoraŭ ne skribaĉis ion pri la JES, Junulara E-Semajno, en Zakopane. Tamen troviĝas jam kelkaj fotoj ĉe Ipernity, serĉu por jes2009. Mi tro pigris por aldoni titolojn al la fotoj, sed se vi ĉeestis, vi rekonos kelkajn lokojn. La fotoj de personoj ankoraŭ restas kaŝataj por homoj kiuj ne estas miaj amikoj aŭ familianoj. Mi verŝajne ŝanĝos tion, sed – kiel kutime – mi hezitas publikigi ilin. Tiu sento venas de mia ĉirkaŭaĵo, kie troviĝas tiom da homoj kiuj ne volas, ke oni publikigu fotojn kiuj enhavas iliajn vizaĝojn. Sed verŝajne estas stulta pensmaniero, se temas pri E-o aranĝo ;-)
Ah, jes. Tamen la JES plaĉis al mi, eĉ la foje streĉaj karavanoj tien kaj reen. Ekneĝis kiam ni foriris, kaj mi ne promenadis tra la Tatra-montaro, krome mi vidis aliajn interesaĵojn. Mi nepre iam skribu pri tiuj kaj aldonu fotojn. Kaj mi iel ĝojas ke mi, post alveno, ŝanĝis de ĉambro al la amasloĝejo. Ĉifoje mi kunprenis orelŝtopilojn kaj tial sukcese dormis ;-)
Mi jam antaŭĝojas partopreni en aliaj aranĝoj ĉijaraj.
Schreibfaul
Ich bin gerade sehr schreibfaul. Genaugenommen nicht nur gerade jetzt, sondern schon ein bisschen länger und auch noch ein bisschen länger. Für dieses Jahr habe ich mir aber mal vorgenommen eine gute Lösung für mein Bilderchaos auf der Homepage zu finden. Ich bin mir sicher, dass ich dann auch animiert bin wieder öfter hier Zeug zu schreiben, welches niemand lesen will :-P
Allgemeiner Status: Alles in Butter. In Karlsruhe liegt, wie auch überall sonst, Schnee. Die Leute kommen bisher erstaunlich gut damit klar, normalerweise kennt man sowas hier ja nicht.